समाचारको भिडियो हेर्नको लागि हाम्रो युट्युब च्यानल SUBSCRIBE गर्नुहोस् ।


नेपाली फिल्ममा अभिनेत्री नीता ढुंगानाको उपस्थिती पातलिदै गएको अवस्था छ । एकाध फिल्ममा देखिएकी यी ‘सिम्पल कान्छी’ अहिले के गर्दैछिन् ?
उनको प्रशंसकले सोधीखोजी गरिरहेकै होलान् । अतः नीता यतिबेला भोजपुरी फिल्मका सुपरस्टार दिनेशलाल यादव ‘निरहुआ’सँग रोमान्स गरिरहेका छिन् । यो अफस्किन रोमान्स भने होइन ।

भनिहालौं, भोजपुरी फिल्म बिहार क्षेत्रमा बढी लोकप्रिय छ । नेपालको सीमावर्ती क्षेत्रमा समेत भोजपुरी फिल्मको राम्रो प्रभाव छ । नेपाली कलाकारहरु भोजपुरी फिल्ममा अभिनय गर्ने परम्परा चाहि केही बर्षयता बाक्लिदैछ ।
सुपरस्टार दिनेशलालको आगमी फिल्म ‘शेर ए हिन्दुस्तान’ यतिबेला प्रदर्शनको तयारीमा छ । उक्त गीतको एक गीत ‘जलपरी’ भने युट्युबमा सार्वजनिक भएको छ । यही गीतमा हो, नीताले अभिनेता दिनेशलालसँग मस्ती गरेको ।
उक्त गीतको भिडियो अहिले निकै रुचाइएको छ । गीतको भिडियोको कतिपय दृश्य नेपालमा छायांकन गरिएको रहेछ । उक्त गीत गएको मार्च १३ मा अपलोड गरिएको हो । अहिलेसम्म गीतको भिडियो १४ लाख पटक हेरिएको छ ।
फिल्म ‘शेरा ए हिन्दुस्तान’मा अभिनेता दिनेशलाल फरक अवतारमा देखिएका छन् । यो फिल्म देशभक्तीको मर्म जगाउने किसिमको भएको र यसमा प्रेमकथा पनि समावेश भएको बताइन्छ । हिमालयको एक गुफाबाट हिन्दुस्तानमाथि हमला गर्ने भयानक योजनालाई एक हिन्दुस्तानी शेरले कसरी तहसनहस गरिदिन्छ ? फिल्मले यही कथा भन्छ ।
केही बर्षयता भोजपुरी फिल्म निकै लोकपि्रय हुँदै आएको छ । भोजपुरीको पहिलो फिल्म ‘गंगा मैया तोहे पियरी चढइबो’ थियो, जुन सन् १९६१ मा प्रदर्शनमा आएको थियो । भोजपुरीको सबैभन्दा बढी कमाई गर्ने फिल्म चाहि ‘ससुरा बडा पैसा वाला’ हो । यसमा मनोज तिवारीको मूख्य भूमिका थियो ।

हामी यहाँहरुको अमूल्य सुझाव, सल्लाह र सहयोगको अपेक्षा गर्दछौं। साथै समाचार, लेख, रचना वा विज्ञापन भए newsjanakpurtimes@gmail.com मा इमेल गर्नहुन अनुरोध छ।

LEAVE A REPLY

Please enter your comment!
Please enter your name here