समाचारको भिडियो हेर्नको लागि हाम्रो युट्युब च्यानल SUBSCRIBE गर्नुहोस् ।


जनकपुरटाईम्स डेस्क

जनकपुरधाम, ४ चैत ।

प्रदेश २ सरकारले प्रदेशभित्र नयाँ उद्योग स्थापना गर्नेलाई २० वर्षसम्म कर नलिने निर्णय गरेको छ। कृषि र पर्यटन मुख्य आर्थिक स्रोत रहेको प्रदेश २ भित्र लगानी भित्र्याउन प्रदेश सरकारले यस्तो निर्णय गरेको हो।

लगानी भित्रिन नसकेपछि उद्योगमैत्री निती बनाउनतर्फ प्रदेश सरकार अगाडि बढेको छ। यसै निती अनुरुप सोमबार सम्पत्र मन्त्रिपरिषद बैठकले प्रदेशभित्र नयाँ उद्योग स्थापना गर्नेसँग कुनै कर नलिने निर्णय गरेको छ।

यसका साथै बैठकले उद्योग स्थापनाका लागि प्रदेश सरकारले नै जग्गासमेत उपलब्ध गराउने निर्णय गरेको छ। उद्योग सञ्चालनका लागि इच्छुक उद्योगीलाई प्रदेश सरकारले कुनै शुल्क नलिई लिजमा जग्गा उपलब्ध गराउने मन्त्रिपरिषद् बैठकले निर्णय गरेको मुख्यमन्त्री तथा मन्त्रिपरिषद् कार्यालयले जनाएको छ।

यसैगरी उद्योग सञ्चालन गर्न सुरक्षाको पूर्ण ग्यारेन्टी दिन उद्योग सुरक्षा बलसमेत गठन गर्ने निर्णय भएको छ। प्रदेश सरकारले हाल झन्झटिलो रहेको उद्योग दर्ता प्रक्रियालाई सहज बनाउने भएको छ। प्रक्रियालाई सहज बनाउँदै तीन घन्टाभित्र उद्योग दर्ता हुने व्यवस्था मिलाइने बताइएको छ। यसअतिरिक्त उद्योगहरुलाई सहुलियत दरमा बिजुली उपलब्ध गराउन प्रदेश सरकारले पहल गर्ने निर्णय मन्त्रिपरिषद बैठकले गरेको छ।

हामी यहाँहरुको अमूल्य सुझाव, सल्लाह र सहयोगको अपेक्षा गर्दछौं। साथै समाचार, लेख, रचना वा विज्ञापन भए newsjanakpurtimes@gmail.com मा इमेल गर्नहुन अनुरोध छ।

LEAVE A REPLY

Please enter your comment!
Please enter your name here