समाचारको भिडियो हेर्नको लागि हाम्रो युट्युब च्यानल SUBSCRIBE गर्नुहोस् ।


जनकपुरधाम । नेपालका लागि भारतीय राजदुत मञ्जीव सिंह पुरीले अब चाँडै नै जयनगर–जनकपुर रेल गुड्ने बताएका छन् । भारत सरकारको सहयोगमा निर्मित चन्द्रनारायण मेन्टेनरी अस्पतालको आज उद्घाटन गर्दै राजदूत पुरीले अब चाँडै जयनगर–जनकपुर रेल सञ्चालनले नेपाल भारतको सम्वन्धमा थप आयाम थपिने बताए ।

नेपालमा चल्ने रेल पनि अब भारतकै जस्तो ठूलो हुने राजदुत पुरीले जनाए । उनले भने, ‘नेपालमा चल्ने रेलपनि भारतभरी चल्ने रेल जस्तै ठूलो हो, यसको सञ्चालनबाट नेपाली सीमावर्ती बजार जयनगर मात्र हैन भारतको धेरै भू–भागमा सजिलै पुग्न सकिन्छ ।’

प्रधामन्त्री नरेन्द्र मोदीले परिकल्पना गरेको धार्मिक सर्किट र रामायण सर्किटको उद्देश्य पनि यसले पुरा गर्ने उनले बताए । सोही क्रममा राजदूत पुरीले अब चाँडै तपाईहरुले जनकपुर पुग्न ५६ किलोमिटर यात्रा पुरा गर्नुपर्ने बाध्यता पनि अब चाँडै पुरा हुने बताए । उनले भने, ‘हुलाकी राजमार्गको काम पनि अब चाँडै सकिने भन्दै अब तपाईहरुले ३० किलोमिटरकै यात्रामा आफ्नो प्रदेश राजधानी पुग्नुहुन्छ ।’

राजदुत पुरीले अब चाँडै हुलाकी सडक निर्माणको काम पनि सम्पन्न हुने बताए । नेपाल भारतको नाता सीमाना भन्दा पनि भावनाको बढी भएको भन्दै उनले यस्ता खालका योजनाहरुले झन समबनध गाढा बनाउने बताए ।

उनले यो अस्पताल पनि त्यही सम्बन्धलाई अझैँ गाढा बनाउने एउटा कडी हो । हाम्रो तर्फबाट यो अस्पताललाई विस्तारका आवश्यक सहयोग रहिरहने पनि बताए ।

कार्यक्रममा नेपाली कांग्रेसकी केन्द्रीय कोषाध्यक्ष तथा प्रतिनीधिसभा सदस्य सीतादेवी यादवको अध्यक्षतामा सम्पन्न उद्घाटन कार्यक्रममा नेपाली कांग्रेसका नेता तथा प्रतिनीधिसभा सदस्य पद्मनारायण चौधरी, नेकपा नेता तथा प्रतिनिधीसभासदस्य लिलानाथ श्रेष्ठलगाततले मन्तव्य राखेका थिए ।

साभार ः राताेपाटी

LEAVE A REPLY

Please enter your comment!
Please enter your name here