फाइल तस्बिर

काठमाडौं । प्रधानमन्त्री समेत रहेका नेपाल कम्युनिस्ट पार्टी (नेकपा)का अध्यक्ष केपी ओली सिंगापुरबाट स्वदेश फिर्ता भएसँगै बधुबार केन्द्रीय सचिवालयको बैठक बस्ने भएको छ ।

सचिवालयको बैठक मंगलबार बस्ने भनिएको थियो । आन्तरिक तयारी गर्नुपर्ने भन्दै ओलीले सचिवालयको बैठक बुधबार सरेका हुन् ।

सचिवालय बैठकमा महासचिव विष्णु पौडेलले कार्य विभाजनको प्रस्ताव पेश गर्ने बताइएको छ ।

स्थायी समिति सदस्यहरूलाई विभाग प्रमुख तथा कतिपय ठूला जनसंगठनको इञ्चार्ज बनाउने तयारी भइरहेको छ ।

जुनियर केन्द्रीय सदस्यहरूलाई विभागको उपप्रमुख तथा जनसंगठनको सह–इञ्चार्जको जिम्मेवारी दिइने नेकपा स्रोतले जनाएको छ ।

किसान महासंघ, युवा संघ, अनेरास्ववियू, महिला संघ, मजदूर संगठन जस्ता ठूला जनसंगठनको इञ्चार्ज स्थायी कमिटी सदस्यबाट बनाउन अधिकांश नेताले महासचिव पौडेललाई सुझाव दिएका छन् ।

जनसंगठनका संयोजकहरू पार्टीका केन्द्रीय सदस्य तथा सचिवालय तहसम्मका नेताहरू रहेकाले इञ्चार्ज माथिल्लो तहबाट पठाउनुपर्ने बाध्यता छ ।

नेकपाको संगठन विभाग, स्कूल विभागलगायतमा स्थायी समिति सदस्यलाई उपप्रमुखसमेत बनाउने सम्भावना छ ।

स्कुल विभाग प्रमुखको दावी गर्ने नेताहरूको संख्या बढ्दै गएको छ । ईश्वर पोखरेल र नारायणकाजी श्रेष्ठले दाबी गरेको विभागमा झलनाथ खनाल, युवराज ज्ञवाली, घनश्याम भुसाल, बेदुराम भुसाल, देवेन्द्र पौडेल र राम कार्कीले पनि ईच्छा देखाएका छन् ।

Loading...
Avatar
हामी यहाँहरुको अमूल्य सुझाव, सल्लाह र सहयोगको अपेक्षा गर्दछौं। साथै समाचार, लेख, रचना वा विज्ञापन भए newsjanakpurtimes@gmail.com मा इमेल गर्नहुन अनुरोध छ।

LEAVE A REPLY

Please enter your comment!
Please enter your name here