काठमाडौं । १३ औँ दक्षिण एसियाली खेलकुद (साग) मा नेपालले सुखद सुरुवात गरेको छ । आइतबार उद्घाटन भएको खेलमा सोमबार नेपालले सुखद सुरुवाता गरेको हो ।

नेपालले सोमबार दिउँसोसम्म पदक तालिकामा अग्रता कायम गरेको छ । नेपाल ५ स्वर्णसहित शीर्ष स्थानमा छ ।

सोमबार दिउँसोसम्म नेपालले ६ स्वर्णसहित ८ पदक जितेको छ ।

यस्तै भारत एक स्वर्णसहित ४ पदक जित्दै दोस्रो स्थानमा रहेको छ । भारते २ रजत र १ कास्य पनि जितेको छ ।

यस्तै पाकिस्तानले एक स्वर्णसहित ३ पदक जितेर तेस्रो स्थान हासिल गर्दा बंगलादेशले ३–३ वटा कास्य पदक जितेका छन् । अहिलेसम्म भुटान र माल्दिभ्सले भने खाता खोल्न सकेन ।

कराँतेमा मण्डेकाजी श्रेष्ठले सिंगाल काता र समूहगत कतामा स्वर्णपदक दिलाएका छन् ।

सिना मादेन लिम्बूले तेक्वान्दोतर्फ दोस्रो स्वर्ण जितेकी छिन् । सिनाले १७ देखि २३ वर्ष महिला उमेर समूहको स्पर्धामा स्वर्ण जितेकी हुन् ।

सिनाले ८.१५० अंक जोड्दै स्वर्ण हात पारिन् । भारतकी रुपा बयोरले ८.१३० अंक जोड्दै रजत तथा श्रीलंकाकी मेन्डिस नामुन्नीले ७.९६० अंक जोड्दै कास्य पदक जिते ।

यस्तै तेक्वान्दोको पुम्सेमा २९ वर्षभन्दा मुनिको प्रतिस्पर्धामा कमल श्रेष्ठले स्वर्ण जितेका छन् ।

ट्रायथोलनमा महिलातर्फ नेपालले स्वर्ण पदक जितेको छ । यो नेपालको दोस्रो स्वर्णपदक हो ।

सोमबार पोखरा लेकसाइडमा भएको प्रतियोगितामा सोनी गुरुङले नेपाललाई दोस्रो स्वर्ण पदक दिलाएकी छिन् ।

यसअघि कराँतेमा मण्डेकाजी श्रेष्ठले नेपालका लागि पहिलो स्वर्ण दिलाएका थिए ।

यस्तै कराँतेको महिला टिम कातामा नेपालले स्वर्ण जितेको छ । निर्मला तामाङ, सरु कार्की र रञ्जिता मल्लको टिमले नेपाललाई स्वर्ण दिलाएको हो । नेपालको स्कोर २४।८८ रह्यो ।

LEAVE A REPLY

Please enter your comment!
Please enter your name here