समाचारको भिडियो हेर्नको लागि हाम्रो युट्युब च्यानल SUBSCRIBE गर्नुहोस् ।



जनकपुरधाम, २२ पुष।

नेकपाका वरिष्ठ नेता माधव कुमार नेपालले विरोधीहरु सरकारको दुष्प्रचार गर्न लागेको भन्दै नेता कार्यकर्ताहरुलाई दृढताकासाथ सरकारलाई बचाउ गर्न आह्वान गरेका छन् ।

वर्तमान सरकारको लोकप्रियता देख्न नसकेकेर प्रमुख प्रतिपक्षी दल काँग्रेसमा हतास र निरासाको प्रवृति बढेको भन्दै उनले दुष्प्रचारबाट बच्न कार्यकर्ताहरुलाई आग्रह गरेका हुन् ।

आइतवार जनकपुरमा नेकपाले आयोजना गरेको कार्यकर्ता भेटघाट कार्यक्रमलाई सम्बोधन गर्दै उनले विरोधीहरुले सरकारको काम नै देख्न नसकेर सरकारले अधिनायकवाद ल्याउने दुष्प्रचार गेरेको दावी गरे ।

‘वर्तमान सरकारको काममा केही कमिकमजोरी हुन सक्छ तर सरकारकारको नियतमा बेइमानी छैन ।’ पुर्वप्रधानमन्त्री समेत रहेका नेता नेपालले भने, ‘हामी प्रजातान्त्रिक आचरण अबलम्बन गरिसकेका छौँ, शेरवहादुरजीले सरकार अधिनाकवाद ल्याउन खोज्दै छ भन्ने दुष्प्रचार गरिरहनु भएको छ । यसमा केही सत्यता छैन ।’

दुई वर्ष भित्र पार्टीको राष्ट्रिय महाधिवेशन गर्ने तयारी रहेको बताउँदै नेता नेपालले केन्द्रदेखि प्रत्येक स्थानीय तहसम्म जति चाँडो हुनसके पार्टी एकता आवश्यक रहेको धारणा व्यक्त गरे ।

कम्युनिष्ट र जनताको सम्बन्ध माछा र पानी जस्तै हुने भएको भन्दै उनले पछिल्लो समय स्वार्थको भावना बढेर गएकोमा चिन्ता व्यक्त गरे ।

हामी यहाँहरुको अमूल्य सुझाव, सल्लाह र सहयोगको अपेक्षा गर्दछौं। साथै समाचार, लेख, रचना वा विज्ञापन भए newsjanakpurtimes@gmail.com मा इमेल गर्नहुन अनुरोध छ।

LEAVE A REPLY

Please enter your comment!
Please enter your name here