समाचारको भिडियो हेर्नको लागि हाम्रो युट्युब च्यानल SUBSCRIBE गर्नुहोस् ।


जनकपुरधाम । धनुषाको क्षिरेश्वरनाथ नपा ५ स्थित भिखारी साहको घरमा भएको विस्फोटमा परि मृत्यु राजेश साह र आनन्द कुमार साहको दाहसंस्कार गरिएको छ । सखुवा महेन्द्रनगरस्थित जलाद नदीमा मृत्यु भएका वुवा र छोरालाई दाहसंस्कार गरिएको हो । दाहसंस्कार कार्यक्रममा नेकपाका नेता पूर्वमन्त्रि रघुविर महासेठ, जिल्ला समन्वय समिती धनुषाका सभापति रामदेव वनरैत यादवलगायत हजारौको संख्यामा स्थानियवासिन्दाहरुको सहभागिता रहेको थियो ।

घटनास्थलमा नेकपाका प्रतिनिधीसभाका सांसद पूर्वमन्त्रि रघुविर महासेठलगायतका सहभागिहरु स्थलगत जानकारी लिदै


विस्फोटकै क्रममा गम्भिर घाइते भई उपचारको क्रममा मृत्यु भएका प्रहरी इन्स्पेक्टर अमिरकुमार दाहालको शव सुनसरीको धरानबाट हेलिकप्टरमार्फत उनको घर काठमाण्डौको जोरपाटी लगिएको छ ।
बम विस्फोट घटनामा परेर भिखारी साहका ४८ वर्षीय छोरा राजेश साह, मृतकका छोरा ३० वर्षका आनन्द साहको घटनास्थलमै मृत्यु भएको छ भने इलाका प्रहरी कार्यालय महेन्द्रनगरका इन्स्पेक्टर अमिर कुमार दाहालको सुनसरीस्थित विपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको थियो ।


बम यसरी विस्फोट भएको थियोे
शुक्रबार राति १२ बजे राजेश साहको घर भित्र गेटमा झोलामा बम जस्तो देखिने शंकास्पद वस्तु झुण्डयाइएको देखिएको मृतक राजेश साहका ६० वर्षीय वुवा भिखारी साहले बताउनुभएको छ । झोलामा शंकास्पद वस्तु देखेपछि राजेश साह इलाका प्रहरी कार्यालय महेन्द्रनगर पुगेर इन्स्पेक्टर अमिर दाहालको मोवाइलबाट घरमा फोन गरि सवैजनालाई घर बाहिर निस्कन भन्नुभएको थियो । घटनास्थलमा राजेश साह इन्स्पेक्टरसहितको प्रहरी भ्यानसंगै आउनुभएको थियो ।

घटना स्थलमा क्षिरेश्वरनाथ नगरपालिकाका मेयर योगेन्द्र पंजियार स्थलगत जानकारी लिदै

इन्स्पेक्टरको नेतृत्वमा शंकास्पद वस्तु बम हो वा होइन भनी हेरियो, तर इन्स्पेक्टरले बम होइन् जस्तो छ, पुरानो कुकर होला भनी सवै जनालाई बोलाउनुभएको थियो । सवैजना बम रहेको स्थान वरिपरि बसेर इन्स्पेक्टरले फोनमा कुरा गरि रहेकै वेलामा विस्फोट भएको घटनास्थलका प्रत्यक्षदर्शी घाइते भिखारी साहले इन्सेक धनुषा प्रतिनिधीलाई जानकारी दिनुभएको छ ।
बम कसले किन राखेको होे भन्ने बारेमा अहिलेसम्म एकिन जानकारी आउन नसकेको र घटनाबारे सुक्ष्मतरिकाले अनुसन्धान तीव्र रुपमा भई रहेकोे धनुषाका डिएसपी रामेश्वर कार्कीले बताउनुभएको छ ।

सम्बन्धित समाचारहरु :-

धनुषा बम बिस्फोट अपडेट : विप्लव समुहका ४ जना पक्राउ

 धनुषामा बम बिस्फोट : प्रहरी निरीक्षक दाहालको पनि मृत्यु

धनुषाको महेन्द्रनगरमा बम बिस्फोट : २ जनाको घटनास्थलमै मृत्यु, इन्सपेक्टरसहित ५ घाइते

धनुषा बम बिस्फोट अपडेट : प्रहरी निरीक्षक दाहालको शव काठमाडौ लगिदै

LEAVE A REPLY

Please enter your comment!
Please enter your name here